Maftuna Shokirova barcha obunachilarini aldagani maʼlum boʻldi

Aktrisa, vayner Maftuna Shokirova Instagram sahifasida barcha obunachilarini aldagani maʼlum boʻldi.

U sahifasiga 9-sentabr kuni oʻzini turmushga chiqayotganidek koʻrsatib video joylagandi. Aktrisa dugonasi bilan birga FHDY boʻlimiga borgan va nikoh tuzilganligi haqidagi guvohnomani koʻrsatgandi. Maftuna Shokirova oʻsha kuni hayotidagi baxtli kunlardan biriligini taʼkidlagandi.

Keyinroq u dugonasi Maxzuna ozroq hazillashgani haqida taʼkidlagan. Aktrisa hali turmushga chiqmayotganini aytgan. Maftuna Shokirovaning soʻzlariga koʻra, unga koʻpchilik tabrik yozgan. Aktrisa bundan xursandligini taʼkidlagan.

“Maxzuna ozgina hazil qilgandi. Jiddiylashib ketibdi. Azizlarim, hali turmush qurmayapman. Lekin xabar, tabriklar juda koʻp. Sizlarning mehringizni koʻrib quvondim. Sizlarni yaxshi koʻraman”, — deydi u.