Elektrsiz elektromobillarni quvvatlovchi qurilma haqida bilasizmi? – video

O‘zbekistonda quyosh energiyasidan foydalangan holda elektromobillarni yuqori tezlikda quvvatlovchi qurilmalarni yaratish va rivojlantirish loyihasi amalga oshirilmoqda, – deya xabar bermoqda Energetika vazirligi matbuot xizmati.

Ma’lum bo‘lishicha, quyosh fotoelektr tizimi orqali mahalliy elektr tarmog‘i bilan parallel holda ishlaydigan elektromobillarni tez quvvatlash qurilmasi ishlab chiqilgan.

Qurilmaga O‘zbekiston iqlim sharoitini hisobga olgan holda energiya saqlash tizimi ham o‘rnatilgan.

Ta’kidlanishicha, har bir tizim yiliga 32 ming kVt/soat elektr energiyasi ishlab chiqaradi. Bu orqali 950 ta elektromobilni quvvatlash imkoniyati yaratilgan.

Buning ortidan 11,2 ming kub metr tabiiy gaz tejalib, atmosferaga 19,8 tonna zararli gazlar chiqishi oldi olinadi.