Sharof otasini uylantirdi

Taniqli aktyor, xonanda Sharof Muqimov otasi Shavkat Muqimovni uylantirdi. Bu haqda u o‘zining Instagram sahifasida ma’lum qilgan

Sharof Muqimov 1 yanvar kuni qo‘ygan postida dadasini uylantiriganini ma’lum qilib, buni 2020 yil yangiligi deb atagan va quyidagicha izoh qoldirgan:

«2020 yil yangiligi. Xudoga shukur, dadajonimni xam uylantirdik mana. Shavkat Muqimov+Zargul Xalilova=Sevgi. Uzoq umr va baxti saodatlik xamroh bulsin. Dadajonimning kayfiyatlari aьlo bo‘lishi uchun biz xar narsaga tayyormiz».

Ma’lumot uchun, Sharof Muqimov 1982-yil 11-aprel kuni tug‘ilgan. U ijodini 2003 yil Muhammad Ismoilning «Balog‘at bekati» vedeofilmida suratga tushishdan boshlaydi. 2004-yilda esa ilk taronasi «Sen xayolimsan» qo‘shig‘ini taqdim etadi. Shuningdek, 2010 yilda u xonanda Sevinch Mo‘minova bilan turmush quradi.

Biroq 2017-yil 6-iyun kuni ular qonunan ajrashgan. Shundan so‘ng 2019 yilda u surxondaryolik muxlisiga uylangan. Eslatib o‘tamiz, Sharof Muqimovning marhum onasi Qizbibi Muqimova 2016 yil 16 yanvar kuni olamdan o‘tgan.