Bojxonachilar nega aynan Buxorodagi “Muruvvat uyi” bog‘ida ko‘chat o‘tkazishdi?

Bugun yurtimizda hududlarni koʼklamzorlashtirish orqali ekologik muhtini yaxshilashga qaratilgan izchil ishlar davom etmoqda. Prezidentimiz Shavkat Mirziyoevning 2021-yil 30-dekabrdagi “Respublikada koʼkalamzorlashtirish ishlarini jadallashtirish, daraxtlar muhofazasini yanada samarali tashkil etish chora-tadbirlari toʼgʼrisida” gi Farmoni bu boradagi amaliy ishlohotlarning asosi boʼldi, – desak yanglishmaymiz.

Аyni kunlarda “Yashil makon” umummilliy loyihasi doirasidagi “Dolzarb 40 kunlik” tadbirlarida faol ishtirok etayotgan Buxoro viloyati bojxona boshqarmasi xodimlari Buxoro shahridagi nogironligi boʼlgan bolalar uchun moʼljallangan “Muruvvat” uylariga tashrif buyurib, bu yerning yana ham obod boʼlishga oʼz hissalarini qoʼshishmoqda.

Ko‘chat o‘tkazishdan oldin bojxona xodimlari “Muruvvat” uyi tarbiyalanuvchilarini koʼnglini koʼtarish asnosida ularning holidan yana bir bor xabar olishdi. Shundan soʼng koʼchatlar oʼtqazishga kirishildi. Bojxona xodimlari tabiat qoʼynida jismoniy mehnat bilan shugʼullanish asnosida 200 tupdan ortiq koʼchatlarni dehqonchilik sir-asrorlariga rioya etgan holda, koʼz ochib, yumguncha ekishdi.

Bugun bu yerga oʼtkazilgan nav-nihollar unib-oʼsib, kelajakda “Muruvvat” uyi tarbiyalanuvchilari uchun mevali hosil bersa, bojxona xodimlari oʼzlarining yana bir ezgu maqsadlariga erishgan boʼlishadi, – deya xabar bermoqda tashkilot matbuot xizmati rahbari Durdona Qayumova.