Bugun Buxoroda yomgʻir yogʻadi

Oʻzbekiston gidrometeriologiya xizmati taqdim etgan maʼlumotlarga qaraganda, bugun, 30-oktabr kuni Buxoroda kun davomida vaqti-vaqti bilan yomg‘ir yog‘adi. Ba’zi joylarda kuchli yog‘ishi mumkin. Havo harorati +10 °C dan +15°C gacha iliq boʻladi.

Shamol 7-12 m/s tezlikda esadi, ba’zi joylarda 15-20 m/s gacha kuchayishi mumkin, ayrim joylarda chang-to‘zonlar kuzatiladi.

Mamlakatimiz boʻyicha faqat Qoraqalpog‘iston Respublikasi va Xorazm viloyatlarida yogʻingarchilik kutilmaydi.

Poytaxtimiz Toshkent shahrida vaqti-vaqti bilan yomg‘ir yog‘adi. Shamol 5-10 m/s tezlikda, harorat +11°C dan +13°C gacha iliq bo‘ladi.

Tog‘li hududlarda ham yomg‘ir yogʻib, qorga aylanishi, baʼzi joylarga tuman tushishi mumkin.