“Yotib kuylagan qiz” nomi bilan tanilgan Dilnoza nega Moskvaga tez-tez borib turadi? – video

“Yotib kuylagan qiz” nomi bilan tanilgan Dilnoza YouTube dagi “Yashin TV” loyihasiga bergan intervyusida Moskvada yigiti borligi, oʻsha yerda turmushga chiqqani haqidagi mish-mishlarga oydinlik kiritdi.

“Voy shunaqa romantikani koʻrganmisiz? Qayerda koʻrgansiz qiz bola oʻzi sevib qolib, Moskvaga borib, yigiti bilan koʻrishganini. Men yaxshi koʻrib qolishim mumkin, lekin bu darajada mubtalo boʻlib, kimningdir orqasidan Moskvagacha bormayman. Tan olaman, juda koʻp boraman. Hatto yaqinda yana 4 kunga, ʻyigitim oldigaʻ ketaman”, – deydi xonanda.

Xonandaning aytishicha, u yerda armanistonlik rejissyorlar bilan hamkorlikda ikkita katta loyiha boshlagan va bugungi kunda ayrim sabablarga koʻra bu ish toʻxtagan, agar muammolar tez hal boʻlsa, ular tomonidan ishlangan kinoga “soundtrack” kuylab chiqadi. Shu bilan birga, xonanda oʻz qoʻshigʻiga klipni ham u yerda suratga olish rejalashtirayotganini va shu uchun Moskvaga koʻp borishini aytgan.