Buxoro shahridagi yangi istirohat bog‘i qayerda barpo etilmoqda?

“To‘qimachi” mahallasidagi Alpomish va Mustaqillik ko‘chalari kesishmasidagi bo‘sh turgan yer maydonida yangi bog‘ barpo etiladi. Bunga viloyat ekologiya boshqarmasi, viloyat obodonlashtirish boshqarmasi hamda qator korxona va tashkilotlar jalb etilgan.

Umumiy yer maydoni 1,7 gektar bo‘lgan istirohat bog‘ida quyidagilar bo‘lishi ko‘zda tutilgan:
– sport maydonchasi;
– bolalar uchun alohida maydoncha;
– futbol maydonchasi;
– vorkaut va stritbol maydonchasi;
– o‘tirib, hordiq chiqarish uchun maxsus joylar;
– ixcham favvora;
– piyodalar yo‘lakchalarilari va b.

Shiningek, “Yashil makon” umumilliy loyihasi doirasida tashkil etilayotgan mazkur bog‘da manzarali daraxt ko‘chatlari o‘tkazilishi ham belgilangan bo‘lib, kecha, 1-noyabr kuni ushbu ishlarning borishini ko‘zdan kechirish maqsadida Buxoro shahri hokimi Jamol Nosirov bu yerga tashrif buyurib, loyihalar ijrosi bilan tanishib chiqdi.