Telegram butun O‘zbekiston bo‘ylab ishlamayapti. Buning sababi nimada?

Bugun, 2-noyabr kuni soat 19:00 lar atrofida O‘zbekiston hududida Telegram orqali foto/video/ovozli xabarlarni yuborishda muammolar kuzatiladi boshlandi.

Mamlakatning rasmiy idoralari ayni vaqtga qadar O‘zbekistondagi eng ommabop messenjer faoliyati bilan bog‘liq kuzatilayotgan jarayonlarga biror munosabat bildirishmadi.

Messenjer jamoasi esa haqiqatdanda muammo mavjud, lekin Telegram tarafidan hech qanday cheklov yoki uzilish yo‘qligini xabar qilishdi. Ular shuningdek, aloqani stabil holda saqlab qolishga harakat qilishayotganini iddao qilishmoqda.

Eslatib o‘tamiz, Telegram orqali muloqot qilishda bundan avval ham cheklov joriy qilingandi. Ushbu hodisa 2021-yilning 3-noyabr kuni sodir bo‘lib, shu kunning o‘zida aloqa qayta tiklangandi. Ushbu hodisaga aloqador “O‘zkomnazorat” rahbari “bir yoqlama, uzoqni o‘ylamay qilingan harakati” sababli, prezident Shavkat Mirziyoyev farmoni bilan ishdan olingan edi.

Hozirda Telegram uzilishlar bilan yoki juda sekin ishlamoqda. Voqealar rivojlanishini kuzatishda davom etamiz.

Xabar yangilandi! 2-noyabr kuni soat 20:45 holatiga Telegram’ga kirishdagi nosozlik bartaraf etilgan, ilova barqaror faoliyat ko‘rsatmoqda.