Ishdan keyin tez tayyorlanadigan kechki ovqat

Mazali qiymali grechka

Ishdan charchab kelib, ovqat tayyorlagingiz kelmayotgan bo‘lsa, tez tayyor bo‘ladigan, qiyma va sabzavotlar qo‘shib mazali grechkali ovqatni pishiring. Grechkali taom mazali ta’m va foydali xususiyatlarga ega. Grechkaga o‘zingizga yoqqan ko‘katlarni ham qo‘shishingiz mumkin.

Kerakli masalliqlar:
1. Qiyma — 500 gr;
2. Grechka — 100-500 gr;
3. Pomidor — 2 dona;
4. Piyoz — 1 dona;
5. Sabzi — 1 dona;
6. Tomat pastasi — 1 osh qoshiq.
Shuningdek, ta’bga ko‘ra sarimsoq, tuz, qalampir, ziravorlar solinadi.

Tayyorlanishi:
Idishga sariyog‘ va o‘simlik yog‘ini solib qiymani qizargunga qadar pishirib oling. Unga to‘g‘ralgan sabzi va piyozni qo‘shing. Qiyma va sabzavotlarga tuz, qalampir va ziravorlarni qo‘shing. Tomat pastasi va to‘g‘ralgan pomidorni qo‘shib qovuring. Qovurilgan mahsulotlarga yaxshilab yuvilgan grechkani soling va keyin qaynoq suv quying. Grechkani 20 daqiqa pishguniga qadar dimlab qo‘ying. Keyin esa unga mayda to‘g‘ralgan sarimsoq va ukrop qo‘shib dasturxonga qo‘ying. Yoqimli ishtaha!

Manba: “Daryo” nashri.