“Yuzimga kislota sepmoqchi bo‘lishdi” – Liil Hurramov

Taniqli o‘zbek instablogeri Ozod Hurramov (“Liil Hurramov” taxallusi bilan tanilgan) bir muddat avval o‘zining hayotida ro‘y bergan xavfli vaziyat haqida obunachilariga aytib berdi. Uning so‘zlariga qaraganda, notanish odamlar unga bir necha bor qasd qilishga urunishgan. Bunda uning mulki (moddiy boylik) ga nisbatan ham tajovuz bo‘lgan.

“– Bir kuni men qizlar bilan suratga tushayotgan edim, o‘sha paytda yonimga bir yigit yaqinlashib keldi. Qo‘lidagi idishning qopqog‘ini ochib menga tashlandi va men cho‘kkalab olib, baqirishga tushdim. U tezda qochib ketdi. Keyinroq idishni hidlab ko‘rganimda, uni kislota ekanligini bilib qolganman. U yuzimni butunlay kuydurishi mumkin edi”, – deb yozadi bloger.

Shuningdek, u iste’mol qilishi uchun olgan suviga kimdir bug‘uvchi vositani aralashtirib yuborgan holatlar ham bo‘lgan, mashinasiga bir necha bor bo‘yoq quyishgan.

Blogerning qo‘shimcha qilishicha, u hech kimga zarar bermagan va “yo‘lini kesib o‘tmagan”.