Kutib oling: Xiaomi Buds 4, Xiaomi Watch S2, Xiaomi 13 va Xiaomi 13 Pro

Kuni kecha Xiaomi kompaniyasi (Xitoy) o‘zining 3 ta yangi gadjetlarini omma e’tiboriga havola qildi. Bular Xiaomi Buds 4 quloqchinlari, Xiaomi Watch S2 smart soati hamda Xiaomi 13 va Xiaomi 13 Pro smartfonlaridir. Ular kecha, 14-dekabrdan boshlab mamlakat texnomarketlarida sotuvga chiqqan.

Qayd etilishicha, Xiaomi Buds 4 quloqchlarini 2 ta dinamik va 3 ta mikrofon bilan jihozlangan bo‘lib, ularning ishlash muddati 30 mA/s sig‘imga ega batareyalar tufayli 6 soatga yetadi. 480 mA/s sig‘imga ega akkumulyatorli quvvatlash qutisi esa mazkur gadjetlarni qayta quvvatlantirmasdan 30 soatgacha ishlatish imkonini beradi.

Shuningdek, ikki xil ko‘rinishda ishlab chiqarilgan Xiaomi Watch S2 smart soatlari ham AMOLED-ekran bilan jihozlangan. Uning dasturiy ta’minoti bilan esa ko‘plab sport mashqlari, yurak urish tezligi, stress darajasi, uyqu sifati va davomiyligi haqida real vaqt rejimida kuzatish mumkin. Shuningdek, smart soatda NFC, GPS va Bluetooth tizimlari ham bor. Smart soat yordamida tana haroratini ham o‘lchash ham mumkin. Oddiy rejimda smart soatning ishlash muddati kichik versiya (42 mm hajm) da 7 kunni, katta versiya (46 mm hajm) da esa 12 kunni tashkil etadi.

Xiaomi 13 va Xiaomi 13 Pro smartfonlariga keladigan bo’lsak, ular 3,2 optik “zoom” va 70 gibrid masshtabli Leica tele-fotolinzasi bilan jihozlangan. Telefonlarda 120 Vt simli, 50 Vt simsiz va 10 Vt teskari simsiz quvvatni qo‘llab-quvvatlaydigan 4820 mA/s sig‘imli batareya mavjud bo‘lib, IP68 darajasiga ega va Android 13 asosidagi MIUI 14 operatsion tizimida ishlaydi.

Narxi qancha?
Gadjetlar narxi ham ancha qimmat. Masalan, Xiaomi Buds 4 quloqchinlari $100 atrofida baholanmoqda. Xiaomi Watch S2 smart soati esa kechik versiyaniki $143, katta versiya $170 atrofida baholangan.

Smartfonlar narxi ularning xotirasi kattaligiga qarab o‘sib boradi:

• 8/128 GB hajmli Xiaomi 13 – $575;

• 8/256GB hajmli Xiaomi 13 – $620;

• 12/256GB hajmli Xiaomi 13 – $660;

• 12/512GB hajmli Xiaomi 13 – $720;

• 8/128 GB hajmli Xiaomi 13 Pro – $720;

• 8/256GB hajmli Xiaomi 13 Pro – $775;

• 12/256GB hajmli Xiaomi 13 Pro – $835;

• 12/512GB hajmli Xiaomi 13 Pro – $905.

Ma’lumot uchun, bu gadjetlar hozirda faqat Xitoydagina sotuvga chiqarilgan. Kompaniya rahbari Ley Jun Twitter dagi sahifasida yangi mahsulotlarning dunyo bo‘ylab savdosi tez orada boshlanishini aytgan.