Shofirkon tumani prokuraturasi iste’mol qiladigan elektr energiyasining 80% ni beruvchi quyosh panellari o‘rnatdi

Davlatimiz rahbarining tegishli Farmoni ijrosibi ta’minlash uchun Buxoro viloyat prokuraturasi organlarining ma’muriy bino va inshootlarida muqobil energiya manbalarini qo‘llash bo‘yicha amaliy ishlar amalga oshirilmoqda, deya xabar qilmoqda tashkilot matbuot xizmati.

Xususan, kuni kecha Shofirkon tuman prokuraturasi binosida 237,7 metr² maydonni egallagan, muqobil energiya manbasining umumiy quvvati 50 kVt bo‘lgan quyosh panellari o‘rnatish bo‘yicha ishlar yakunlandi.

Ushbu stansiya kun davomida 220,62 kVt/soat elektr energiyasi ishlab chiqarish quvvatiga ega bo‘lib, yil davomida binoni 80 500 kVt/soat elektr energiya bilan ta’minlaydi. Bu orqali umumiy iste’molning o‘rta hisobda 75-80% qoplanib, 65 000 000 so‘mlik elektr energiyasini tejash imkoni yaratiladi.

Ushbu yo‘nalishdagi ishlarni viloyatdagi mavjud prokuratura organlariga tegishli boshqa binolarda ham jadallik bilan davom ettirilishi rejalashtirilgan.