O‘zbekistonda yangi – “Agro TV” telekanali ochildi

Kecha, 20-dekabr kuni poytaxtimiz Toshkent shahrida agrosanoat sohasidagi ma’lumotlarni yoritishga mo‘ljallangan birinchi telekanal – “Agro TV” ning rasmiy ochilish marosimi bo‘lib o‘tdi.

Telekanalada asosan, qishloq xo‘jaligi, go‘sht va sut, meva-sabzavot, paxta, bug‘doy va boshqa mahsulotlar ishlab chiqarish va qayta ishlash sohasidagi yangiliklarni, bo boradagi xorij tajribasi, shuningdek, mahalliy va xorijiy ekspertlarning agro olam haqidagi qarashlari, fikrlari berib boriladi.

Qayd etish kerakki, telekanal ning qamrov hududi O‘zbekistonning barcha viloyatlarini o‘z ichiga olib, 24 soatlik efir rejimida Full HD formatda ishlaydi. Yangi “Agro TV” efir setkasidan o‘zbek (60%), rus (30%), ingliz (10%) tillaridagi ko‘rsatuvlar o‘rin oladi.