24-dekabr kuni Jondor savdo majmuasi oldida nima bo‘ldi?

Yangi yil bayramiga ham sanoqli kunlar qoldi. Respublikamizning barcha tumanlarida bo‘lgani kabi Jondor tumanida ham tuman aholisi bayramni ko‘ngildagidek o‘tkazishi uchun tizimli chora-tadbirlar ko‘rilmoqda. Jumladan, joriy yilning 24-dekabr kuni bayramni ko‘tarinki ruhda va betalofat o‘tkazish bo‘yicha tuzilgan maxsus shtabning o‘quv-mashg‘uloti bo‘lib o‘tdi.

Unda tuman Favqulodda vaziyatlar bo‘limi, tibbiyot birlashmasi, “Hududgaz Buxoro” gaz ta’minoti filiali “Jondortumangaz” gaz ta’minoti bo‘limi, sanitariya-epidemiologik osoyishtalik va jamoat salomatligi xizmati bo‘limi mutaxassislari hamda boshqa tashkilotlar mas’ullari ishtirok etishdi.

Tadbirda mazkur shtab tomonidan bayram tadbirlari o‘tkaziladigan maskanlarda obodonlashtirish ishlari, jamoat tartibi, yong‘in va yo‘l harakati xavfsizligini ta’minlash, pirotexnika vositalari sotilishining oldini olish bo‘yicha zarur chora-tadbirlar ko‘rilishi belgilab olindi. Bu ishga huquq-tartibot idoralari bilan birga jamoatchilik vakillari ham jalb etildi.