Islom
Ayollarga erkak qarindoshi hamrohligisiz Haj ziyoratini ado etishga ruxsat berildi
Saudiya Arabistonida ayollar birinchi marta mahrami, yaʼni yaqin qarindoshi – erkak hamrohligisiz Hajga borishga hujjat topshirishi mumkin boʻladi. Bu haqda mamlakatning Haj va Umra vazirligi xabar bermoqda.
Vazirlik joriy mavsumda Haj ziyoratiga borish istagida boʻlganlar, jumladan, qirollikda yashash ruxsatnomasiga ega saudiyalik ayollar, boshqa musulmon ayollarni muddatidan oldin roʻyxatga olish imkoniyatini eʼlon qildi. Roʻyxatga olish qoidalariga koʻra, elektron shaklga hamrohlik qiluvchi shaxsning kiritilish yoki yoʻqligi anketani toʻldiruvchi ayol ixtiyoriga qoʻyilgani qayd etilgan.
Saudiya Arabistoni Haj va Umra ishlari boʻyicha vazirlik vakiliga koʻra, mamlakat rasmiylari “bu yil Haj ziyoratiga boruvchi ayollar uchun mahram boʻlishini talab qilmaslikka” qaror qilishgan. Ushbu holatda musulmon ayol haj ziyoratini albatta “ayollar guruhi tarkibida” amalga oshirishi shart.