Buxoro yangiliklari
Buxorodagi maktab va oliygohlarda taʼtil muddati yana uzaytirildi – viloyat hokimligi
Xabaringiz bor, bundan avval Buxorodagi taʼlim muassasalarida oʻquv mashgʻulotlari anomal sovuq sabab, qoldirilib, ta’til muddati 16-yanvar kuniga qadar belgilandgan edi.
Hududimizda davom etayotgan sovuq ob-havo sharoitini hisobga olib, Buxoro viloyati hokimligi taʼtilni yana uzaytirishga qaror qildi va shu munosabat bilan rasmiy xabar eʼlon qildi.
“Mahalliy davlat hokimiyati organlarining ta’lim sohasidagi vakolatlariga asoslanib, viloyat hududida sovuq ob-havo sharoiti saqlanib qolayotganidan kelib chiqib, Buxoro viloyatidagi mavjud umumta’lim maktablari, Prezident, ijod va ixtisoslashtirilgan maktablar, oliy va o‘rta maxsus ta’lim hamda barcha maktabgacha ta’lim muassasalarida qishki ta’til 18-yanvarga qadar uzaytirildi”, – deyiladi xabarda.
Demak, viloyatimizdagi barcha o‘quv mashg‘ulotlari joriy yilning 18-yanvar, chorshanba kunidan boshlanadi.