Uzoq yillar Buxoro tumani Raykom birinchi sekretari lavozimida ishlagan Almeyev Albert Valiyevich 83 yoshida vafot etdi. Bu haqda tuman hokimligi xabar qilmoqda.

Albert Almeyev 1940-yilda Buxoro viloyati, Shofirkon tumanida tug‘ilgan. 1964-yilda Toshkent qishloq xo‘jaligi institutini tamomlagan.

Mehnat faoliyatini 1964-yili Buxoro tumani bosh agranomi lavozimida boshlagan. 1965–1967-yillarda Buxoro tumani Uzumchilik shirkat xo‘jaligi agranomi, 1967–1971-yillarda Buxoro tumani partiya komiteti instruktori, 1971–1976 -yillarda Buxoro tumani, Galaosiyo shahri Raykom partiya instruktori, 1976–1977-yillarda Buxoro tumani, Galaosiyo shahri Raykom partiya rahbari, 1977–1983-yillarda Buxoro tumani shirkat xo‘jaligi raisi, 1983–1984-yillarda Peshku tumani Raykom ikkinchi sekretari, 1984–1992-yillarda Buxoro tumani Raykom birinchi sekretari, 1992–1998 yillarda Buxoro viloyat qishloq xo‘jaligi boshqarmasi boshlig’ining o‘rinbosari lavozimlarida ishlagan.

U 2023-yilning 21-yanvar kuni og‘ir xastalikdan vafot etdi.

Tahririyatimiz nomidan marhumning oila a’zolari va yaqinlariga chuqur ta’ziya izhor etamiz.