O‘zbekiston
Internetda o‘zbekistonliklar norozilik namoyishiga chiqishgani haqida asossiz xabarlar tarqalmoqda
Bugun, 26-yanvar kuni Telegram messenjeridagi ayrim xorijiy kanallarda O‘zbekistonda bir necha ming kishilik olomon norozilik namoyishiga chiqqanligi haqidagi ma’lumotlar tarqardi. Mazkur xabarlar yolg‘on va haqiqatga mos kelmaydi. Bu haqida O‘zbekistonda soxta axborotlarga raddiyalar uchun rasmiy manba hisoblangan AntifakeUZ xabar qildi.
“Aslida tarqatilayotgan videomaterialda Namangan viloyatida o‘tkazilgan ko‘pkari o‘yinlariga yig‘ilgan fuqarolar tasvirlangan”, – deyiladi xabarda.
Quyida esa mazkur raddiyaga videofakt berilgan: https://t.me/repostbu/399
Eslatib o‘tamiz, aholi o‘rtasida yolg‘on axborot tarqatganlik uchun O‘zbekiston Respublikasidagi amaldagi qonunlarga ko‘ra, jinoiy javobgarlik belgilangan.