Islom
Er-xotin o‘rtasida to‘shakda bo‘ladigan ishlar haqida gapirish haqida Islomda nima deyilgan?
Savol: Chimildiq kuni yangalarning yotoqxonaga kirishi, qo‘pol qilib aytganda, ularga doka berish va shunga o‘xshagan ishlar haqida nima deya olasiz?
Javob: Bismillahir Rohmanir Rohim. Bu ish mutlaqo noto‘g‘ri va sharmandalikdan boshqa narsa emas. Dinimizda er-xotin o‘rtasida to‘shakda bo‘ladigan maxfiy ishlarni boshqalarga aytishdan qaytariladi.
Abu Sa’id raziyallohu anhudan rivoyat qilinadi: Nabiy sollallohu alayhi vasallam: “Qiyomat kuni Allohning nazdida martabasi eng yomon odam ayoliga yaqinlik qilib, ayoli unga yaqin bo‘lganidan keyin sirini odamlarga yoyib yuradigan kishidir”, – dedilar (Imom Muslim va Imom Ahmad rivoyat qilganlar).