Buxoro yangiliklari
Bugun, 2-fevral kuni G‘ijduvonning qaysi mahallalarida gaz ta’minoti to‘xtatiladi?
Ta’mirlash ishlari olib borilishi sababli, G‘ijduvon tumanidagi ba’zi mahallalarda tabiiy gaz ta’minoti vaqtinchalik to‘xtatiladi, – deya xabar bermoqda “Hududgaz Buxoro” gaz ta’minoti filiali.
Xususan, G‘ijduvon tumanidagi quyidagi mahallalar iste’molchilari bugun, 2-fevral kuni soat 14:00 dan 17:00 ga qadar gaz ta’minotidan uzib qo‘yiladi:
1. “Denov” mahallasi;
2. “Tozagari” mahallasi;
3. “Sharq” mahallasi.
Bunga asosiy sabab, mazkur hududlar aholisini tabiiy gaz bilan taʼminlayotgan quvurlarda yuzaga kelgan avariyali holatni bartaraf etish ishlari bajarilmoqda.
Yuzaga kelayotgan noqulayliklar uchun gaz ta’minoti filiali iste’molchilardan uzr so‘raydi.