Buxoro yangiliklari

Buxoroda surxondaryolik ayol ikkinchi bor bolasini urib o‘ldirdi (video)

Foto: Buxoroisharif.uz

Joriy yilning 4-oktabr kuni Buxoro shahrida yashovchi ayol o‘zining 3 yoshli farzandini urib o‘ldirib qo‘ygan. Bu haqida “Zamon” informatsion dasturida xabar qilindi.

Maʼlumotlarga ko‘ra, asli surxondaryolik fuqaro doim qo‘shnilaridan o‘zini olib qochadigan, eshigini taqqilatsa, ochmaydigan ayol bo‘lgan. U juda qattiqqo‘l va mehrsiz ona bo‘lgani aytiladi. Shuningdek, bu bemehr avval ham birinchi bolasini o‘ldirganligi uchun qamoq jazosini o‘tab chiqqan.

“— Bu ayol har doim odamlardan qochgan. Bir necha marta men u bilan gaplashmoqchi bo‘ldim, uning oldiga borib, ovqat olib kelmoqchi edim. Lekin eshikni taqillatganimda — u ochmadi. U baqirib, bolani urganida, men maktab yoshidagi bola deb o‘yladim, chunki u ryukzak va kiyimlarni kir bo‘lgani uchun unga tanbeh berardi. Ammo ijtimoiy tarmoqlardan men bu bola hali 3 yoshga ham kirmaganini bildim”, — dedi ayloning qo‘shnisi.

Uning ruhiy holati yomon bo‘lmagan. Chunki, uning uyidan g‘alati tovushlar eshitilmagan.

Hozirda holat yuzasidan Buxoro shahar prokuraturasi tomonidan Jinoyat Kodeksining 97-moddasi (qasddan odam o‘ldirish) 2 – qismi “v” bandi bilan jinoyat ishi qo‘zg‘atilgan. Ayni damda tergov harakatlari olib borilmoqda.

Javob berish

Eng köp öqilgan maqolalar

Exit mobile version