O‘zbekistonga ta’lim olish maqsadida kelayotgan xorijiy talabalar soni bo‘yicha yangilangan statistika e’lon qilindi. Milliy statistika qo‘mitasi ma’lumotlariga ko‘ra, 2025-yilning yanvar—noyabr oylarida mamlakatimizga o‘qish uchun 37,2 ming nafar chet el fuqarosi tashrif buyurgan. Ushbu ko‘rsatkich o‘tgan yilning shu davriga nisbatan 54,3% ga ko‘p.

Qo‘mita hisobotida qayd etilishicha, 2025-yilning dastlabki 11 oyida O‘zbekistonga ta’lim olish uchun kelgan xorijliklar soni mamlakatlar bo‘yicha quyidagicha taqsimlangan:

• Hindiston — 16,3 ming nafar
• Turkmaniston — 8,9 ming nafar
• Tojikiston — 2,7 ming nafar
• Pokiston — 1,7 ming nafar
• Xitoy — 1,4 ming nafar
• Janubiy Koreya — 870 nafar
• Qirg‘iz Respublikasi — 823 nafar
• Misr — 737 nafar
• Filippin — 501 nafar
• AQSH — 464 nafar
• Turkiya — 357 nafar
• Afg‘oniston — 291 nafar
• Iordaniya — 194 nafar
• Buyuk Britaniya — 179 nafar
• Rossiya — 164 nafar
• Janubiy Afrika Respublikasi — 155 nafar
• Eron — 115 nafar
• Qozog‘iston — 113 nafar
• Bangladesh — 97 nafar
• Italiya — 94 nafar

Shuningdek, e’tiborga molik jihat shundaki, avvalroq O‘zbekiston Janubiy Koreyadagi xorijiy talabalar sonining oshishiga eng katta hissa qo‘shayotgan davlatlar qatoriga kirgani haqida xabar berilgan edi. Ma’lumotlarga ko‘ra, 2024-yilning birinchi yarmi yakunida Janubiy Koreyada tahsil olayotgan chet ellik talabalar soni tarixiy eng yuqori darajaga yetgan. Aynan shu davrda 5 ming nafar o‘zbekistonlik talaba o‘qish uchun Janubiy Koreyani tanlagan.