Jahon
Fransiyadagi o‘rmon yong‘inida minglab odamlar evakuatsiya qilindi
Fransiyaning Kap-Ferre yarimorolida yuz bergan yirik o‘rmon yong‘ini sabab minglab aholi xavfsiz hududlarga ko‘chirildi.
Euronews ma’lumotiga ko‘ra, yong‘in 22-iyul kuni Saumos yaqinida ehtiyotsizlik oqibatida boshlangan va qarag‘ayzorlar bo‘ylab tez tarqalgan. 24-iyulga kelib, alangalar 8 700 gektar hududni qamrab olgan.
Yong‘inni o‘chirishga 700 nafar o‘t o‘chiruvchi hamda maxsus suv tashuvchi samolyotlar jalb etildi. Kecha davomida 5 300 kishi evakuatsiya qilingan.
Rasmiy ma’lumotlarda qurbonlar qayd etilmagani, biroq 80 ta uy zarar ko‘rgani va shulardan 50 tasi vayron bo‘lgani aytiladi.