Buxoro yangiliklari
Buxoro tumanida 46 tup kannabis yetishtirgan shaxs aniqlandi
“Xavfsiz va sog‘lom yurt” tezkor-profilaktik tadbiri doirasida Buxoro tumanida kannabis giyohvandlik o‘simliklarini yetishtirib kelgan shaxs aniqlandi. Bu haqda Buxoro viloyati Ichki ishlar boshqarmasi Buxoroisharif.uz internet nashriga ma’lum qildi.
Ichki ishlar boshqarmasinig qayd etilishicha, fuqaro yashash uyining hovlisidagi 40 kvadrat metr yer maydoniga kannabis o‘simliklarini ekkan va ularni muntazam parvarishlab kelgan.
Tekshiruv davomida ushbu maydonda jami 46 tup kannabis giyohvandlik o‘simligi borligi aniqlangan. Xabarda o‘simliklar daraxtdek kattalikda bo‘lgani alohida ta’kidlangan.
Holat Buxoro viloyati ichki ishlar organlari tomonidan aniqlangan. Gumon qilinayotgan shaxsning hovlisida yetishtirilgan o‘simliklar ham qayd etilgan.
Fuqaroning shaxsi, hodisa sodir bo‘lgan mahallaning aniq nomi, o‘simliklarning umumiy vazni hamda holat yuzasidan qo‘llanilgan protsessual chora haqida qo‘shimcha ma’lumot berilmagan.