Buxoro yangiliklari
Buxoroda IIB tunda yurgan o‘smir yigit-qizlarni “ovlamoqda” – foto
Kuni kecha Buxoro viloyat IIB JXX HPB Voyaga yetmaganlarga ijtimoiy-huquqiy yordam ko‘rsatish markazi hamda Buxoro shahar IIO FMB xodimlari hamkorligida tungi vaqtlarda Buxoro shahar hududida joylashgan kafe, bar, ko‘ngilochar maskanlarda turli ko‘ngilsiz hodisalar, jinoyat va huquqbuzarliklarni barvaqt oldini olishga qaratilgan navbatdagi reyd nazorat tadbirlari o‘tkazildi.
Mazkur reyd tadbirlarida profilaktika inspektorlari va inspektor-psixologlar tomonidan aholi ayniqsa, voyaga yetmaganlar ishtirokida sodir etilishi mumkin bo‘lgan noxush holatlar oldini olishga e’tibor qaratildi.
Jumladan, o‘tkazilgan reyd tadbiri davomida ko‘chalarda bemaqsad va nazoratsiz yurgan voyaga yetmaganlar bilan profilaktik suhbatlar o‘tkazilib, tegishli tartibda qonuniy vakillariga topshirildi.
Ular o‘rtasida jinoyat sodir etmaslik va turli jinoyatlar qurboniga aylanib qolmaslikka doir tushuntirish ishlari olib borildi, – deya xabar bermoqda Buxoro viloyati IIB Axborot xizmati.