Buxoro yangiliklari
IIB yosh xodimlarning ruhiy salomatligini o‘rganmoqda
IIV ning tegishli Farmoyishi asosida Buxoro viloyatining Kogon tumani IIB tizimida xizmat olib borayotganlarning ruhiy holatini doimiy ravishda nazorat qilib borish hamda ichki ishlar organlarida samarali mehnat qilayotgan yosh va ijtimoiy himoyaga muhtoj xodimlarning oilaviy ahvoli o‘rganilmoqda, – deya xabar bermoqda IIB Axborot xizmati.
Bunda, mutaxassis-psixologlar tomonidan yosh xodimlarning yashash xonadonlari va xizmat uylariga borilib, ularning yaqinlari bilan suhbatlar olib borilmoqda.
Xodimlarning oilaviy munosabatlari hamda xizmatdan bo‘sh vaqtlarda oilasi davrasida bo‘lishi bo‘yicha qo‘shimcha tushuntirishlar berilib, mavjud muammo va takliflar o‘rganildi.
“Xodimbay” ishlash tizimi asosida olib borilayotgan bu kabi chora-tadbirlar sohaga endigina kirib kelgan yosh xodimlarning ish samaradorligiga ijobiy ta’sir ko‘rsatib, moslashib ketishi hamda ruhiy zo‘riqishlar, stress holatlarining oldini olish, jamoadagi ma’naviy-ruhiy muhitni yaxshilashda muhim ahamiyat kasb etadi.