Buxoro yangiliklari
Kogonlik hokim yordamchisiga Gentra sovgʻa qilishdi (-mi?)
Xabaringiz bor, yaqinda O‘zbekiston Kasaba Uyushmalari Federatsiyasi tomonidan “Eng yaxshi hokim yordamchisi” Respublika tanlovi oʻtkazilgan edi. Unda esa Kogon shahrida faoliyat olib borayotgan Joʻrayeva Lola Olimovna gʻolib boʻldi.
Kuni kecha gʻolibni tabriklash va maxsus sovgʻalarni topshirish maqsadida Kogon tumani hokimligi binosi oldida tadbir oʻtkazildi hamda O‘zbekiston Respublikasi Prezidenti sovgʻasi – Gentra avtomashinasi tantanali tarzda topshirildi.
Tadbir yakunida shuningdek, tadbirkorlik va o‘zini-o‘zi band qilish faoliyatini boshlamoqchi bo‘lgan ishsiz, shu jumladan, «Temir daftar», «Ayollar daftari» va «Yoshlar daftari» ga kiritilgan fuqarolarga mehnat qilishi uchun kerak bo‘lgan asbob-uskuna, mehnat qurollari (tikuv mashinkalari, elektr pechlar va b.) subsidiya mablagʻlari evaziga topshirildi.