Özbekiston
Muhim! “Elektr toki 1 soatdan koʻp uzib qoʻyilsa, masʼullarga chora koʻriladi” – Energetika vaziri oʻrinbosari
Ayni damda Energetika vazirligi va tizim tashkilotlari rahbarlari ishtirokida “Iste’molchilarni kuz-qish mavsumida energiya resurslari bilan to‘laqonli ta’minlash va bu boradagi muammolar, oldinda turgan dolzarb vazifalar” mavzusida matbuot anjumani boʻlib oʻtmoqda.
Facebook orqali toʻgʻridan-toʻgʻri uzatilayotgan efir davomida elektr ta’minotidagi uzilishlar 1 soatdan oshgan hududlarda mas’ullarga chora ko‘rilishi ma’lum qilindi.
Shuningdek, u davom tez kunda cheklovlar masalasi 80% ga hal etilishi haqida ham gapirdi.
«Buning uchun tabiiy gaz va elektr energiyasi eksporti to‘xtatildi. Tashqi import 20% ga oshirildi. Bugungi kundagi uzilishlar 8-10 soatlab tokni o‘chirishga sabab bo‘lolmaydi. Qaysi hududlarda elektr energiyasidagi uzilishlar yarim yoki 1 soatdan oshib ketayotgan bo‘lsa, buning sabablarini o‘rganamiz. Agar bunda inson omili mavjud bo‘lsa, mas’ullarga chora ko‘riladi», — deya qayd etdi Enegetika vaziri o‘rinbosari Sherzod Xoʻjayev.