Buxoro yangiliklari
Buxoroda Counter strike boʻyicha viloyat turniri oʻtkazildi. Gʻoliblar aniq!
Kuni kecha Axborot texnologiyalari va kommunikatsiyalarini rivojlantirish vazirligi Buxoro viloyati hududiy boshqarmasi, Yoshlar agentligi viloyat boshqarmasi va IT Park Buxoro filiali bilan hamkorligida kibersport boʻyicha musobaqalarning viloyat bosqichi boʻlib oʻtdi.
Mazkur bahslarga ishtirokchilar jamoa boʻlib, oʻz istiqomat hududlariga boʻlingan holda kuch sinashdi.
Yakuniy natijalarga koʻra, “CS:GO” (Counter strike online) boʻyicha Gʻijduvon tumani jamoasi 1-oʻrinni, Kogon shahri jamoasi 2-oʻrinni va Buxoro tumani jamoasi 3-oʻrinni egallab, diplom va qimmatbaho sovgʻalar bilan taqdirlanishdi.
P. S.: Counter Strike oʻynab, Samsung Galaxy Tab yutib olishni bundan 5-6 yil oldin xayol ham qilib boʻlmas edi. Endi esa bu oʻyin ortidan hattoki bakalavr diplomiga ham ega boʻlish mumkin 🙂