Hodisalar
Vobkent dehqon bozori oldida “paq-paqa” bilan savdo qilayotgan yana bir fuqaro ushlandi
Kecha, 12-dekabr kuni soat 16:30 larda nomalum shaxs Vobkent tumani “Dehqon bozori” hududida 1 dona qora rangli politelin paketiga solingan 8 blok pirotexnika vositalarini sotmoqchi bo‘lgan vaqtida Milliy gvardiya xodimlari tomonidan qo‘lga olindi.
Olib borilgan surishtiruv natijasida ushbu shaxs shu tumandagi “Hajivoy” mahallasida yashovchi Sh. U. ismli fuqaro bo‘lib chiqdi. Uning yonidan olib qo‘yilgan pirotexnika vositalarining umumiy qiymati 960 000 so‘mlik 80 quti (4 800 dona) “Treniya” ekanligi ayon bo‘ldi. Ashyoviy dalillar xolislar ishtirokida belgilangan tartibda hujjatlashtirib olingan.
Qayd etish joizki, ushbu tadbir Buxoro viloyati Bojxona boshqarmasi Kontrabandaga qarshi kurashish bo‘limi xodimlari bilan hamkorlikda o‘tkazildi.
Holat yuzasidan tergovga qadar tekshiruv harakatlari olib borilmoqda.