Buxoro yangiliklari
Buxoroda 27 000 ga yaqin ko‘chmas mulklarga kadastr pasporti tayyorlab berilgan
Bu haqida Davlat kadastrlari palatasi Buxoro viloyati boshqarmasi axborot xizmati ma’lum qildi.
Joriy yilning 11 oyi davomida Davlat kadastrlari palatasi Buxoro viloyati boshqarmasi tasarrufidagi tuman va shahar filiallari tomonidan 26 806 ta, shundan 23 112 ta jismoniy shaxslarga tegishli va 3 694 ta yuridik shaxslarga tegishli bo‘lgan yer uchastkalari va ko‘chmas mulklarga kadastr pasporti tayyorlab berilgan.
Shuningdek, boshqarma tomonidan 42 254 ta yer uchastkalariga bo‘lgan huquqlar hamda 4 351 ta qurilishi yakunlangan bino va inshootlarni foydalanishga qabul qilish haqidagi dalolatnomalar davlat ro‘yxatidan o‘tkazilgan.
Bundan tashqari, qishloq xo‘jalik maqsadlarida dehqon xo‘jaligi tashkil etish uchun onlayn elektron tanlov orqali 44 890 ta yer maydonlari auksion savdolari natijalariga ko‘ra g‘olib bo‘lgan nomzodlar nomiga davlat ro‘yxatidan o‘tkazilishi ta’minlangan.