Buxoro yangiliklari
Buxoro viloyati IIB mas’ul rahbarlari “Nurli maskan” maktab-internatida bayram tashkillashtirishdi
Mamlakatimizda ijtimoiy himoyaga muhtoj, nogironligi bor jajji qalb egalariga e’tibor davlat siyosati darajasiga ko‘tarilgani hech kimga sir emas. Jumladan, Buxoro shahridagi 24-son “Nurli maskan” maktab-internatida tahsil olayotgan 278 nafar o‘quvchilar ham Buxoro viloyat IIB mas’ul rahbarlariga biriktirilib, ular o‘quvchilar holidan muntazam ravishda xabar olib, hayotga moslashishlariga har tomonloma ko‘mak berib kelishmoqda.
Xususan, 23-dekabr kuni ushbu maktab-internatda Yangi yil bayram tadbiri ko‘tarinki ruhda o‘tkazildi.
Bayram doirasida ta’lim maskanida tahsil olayotgan bolalarga yangi yil sovg‘alari tarqatildi, bayramona dasturxon yozilib, san’at vakillari ishtirokida konsert dasturi taqdim qilindi.