Buxoro yangiliklari
Jondorda 2 milliard 870 million soʻmga 14-maktabning yangi binosi qurib, foydalanishda topshirildi
Kuni kecha Jondor tumanidagi 14-umumta’lim maktabning yangi o‘quv binosi qurilib foydalanishga topshirildi.
Ochilish marosimida tuman hokimi o‘rinbosari, mahalla faollari hamda o‘quvchilar ishtirok etishdi, – deya xabar bermoqda tuman hokimligi matbuot xizmati.
210 nafar oʻquvchilarning sifatli taʼlim olishlariga mo‘ljallangan yangi binoning qurilishi uchun 2 milliard 870 million so‘m sarflandi. Ushbu mablagʻ hisobidan shuningdek, mavjud o‘quv binosining tom qismi ham taʼmirlandi va issiqlik qozonlari yangilandi.
Aytish joizki, maktabning yangi binosi qurilishi “Obod qishloq” Davlat dasturi doirasida bajarildi.
Endilikda mazkur maktabda 850 nafar o‘quvchilarning bir smenada tahsil olishlari ta’minlandi.