Buxoro yangiliklari
Quvondiq Ro‘ziyev faoliyatini “Buxoro” jamoasida davom ettiradi
Rasman, Quvondiq Ro‘ziyev “Buxoro” jamoasi futbolchisiga aylandi. Jamoa transfer oynasining so‘nggi kunida tajribali futbolchini o‘z safiga qo‘shib oldi. Bu haqda “Buxoro” futbol klubi Buxoroisharif.uz internet nashriga ma’lum qildi.
Birinchi davrada “Navbahor” safida to‘p surgan yarim himoyachi “Buxoro” jamoasi bilan shartnoma imzoladi.
Quvondiq Ro‘ziyev 1994-yilda tavallud topgan. U faoliyati davomida “Lokomotiv”, “Turon”, “Qo‘qon-1912”, Malayziyaning “Sri Pahang”, “Neftchi” hamda “Navbahor” klublari safida o‘ynagan va 300 dan ortiq rasmiy bellashuvda maydonga tushgan.
Klub rahbariyati va murabbiylar shtabi uning tajribasi hamda mahorati jamoaning yangi marralarni zabt etishi, hal qiluvchi pallalarda ishonchli o‘yin ko‘rsatishi va yutuqlarini mustahkamlashida muhim rol o‘ynashiga ishonch bildirdi.
“Buxoro” klubi Quvondiq Ro‘ziyevni jamoa oilasiga qutladi.