Mashhurlar

Dildora Niyozova qaysi qoʻshigʻi sabab, otasi undan norozi boʻlganini aytdi

Otasining gaplaridan soʻng xonanda uxlolmay chiqqan. Biroq bu gaplardan bexabar prodyuseri taronani tarqatib yuborgan. Premyeradan soʻng qoʻshiq tezda ommalashib ketgan. Xonandaning otasi bundan ranjigan.

“Eshitgan ʻshirinʻ gaplarimdan ertalabgacha uxlolmay chiqqandim. Bu gaplardan xabari yoʻq prodyuserim qoʻshiqni tarqatib yuborgan. Ertasi kuni tursam hamma yerda Dildora Niyozovaning ʻIshonmaʻ qoʻshigʻi yangrayapti. Bozorda ham doʻkonda ham qoʻshiqni eshitganimizda hammamiz shokka tushib qolganmiz. Dadam ham hayron boʻlgan, ammo ʻQiz bola narsa nega bunday qoʻshiqni aytingʻ, deb rosa ranjigandi. Shunday boʻlsada, xalq orasida Dildora Niyozova boʻlib tanilishim bu qoʻshiqning hissasi katta. Shu qoʻshiq ommalashganidan keyin Surxondaryo stadionida konsert berganimda ketmasin deb mashinani koʻtarib yuborgan paytlari ham boʻlgan. Davralarda qoʻshiqni qayta-qayta ijro etishimni soʻrashardi. Yaratganga shukr, shunday kunlarni ham koʻrdik”, — deydi xonanda Dildora Niyozova.

“Toʻy xizmatiga borganimda, bir onaxon yonimga kelib, ʻSizni eringiz toʻylarga chiqarmayman degandi. Qoʻshiq aytyapsizmi?ʻ, dedi. Oʻsha toʻyxonadan shu savolga javob berib chiqib ketdim. Men ʻOrangizda janjallashib qolmagan ayollar bormi?ʻ, deb soʻradim. Shunda hamma ayollar kuldi. ʻMening ham erim jahli chiqqanda gapiradida. Mana koʻnglini olgandim toʻyga chiqaryaptiʻ, dedim. Men ogʻirroq boʻlgandim mana yana sanʼatda davom etyapman”, — deydi Dildora Niyozova.

Eslatib oʻtamiz, avvalroq Dildora Niyozova sanʼatga qaytishga erini qanday koʻndirganini aytgandi. Toʻy xizmatlaridan birida unga bir onaxon eri toʻyga chiqishga ruxsat bermagani haqida savol bergan. Xonanda bu savolga javob bermaguncha toʻyxonadan chiqib ketmagan. Dildora Niyozova oʻsha davrada boʻlgan ayollar qaysi biri eri bilan janjallashib qolmagani haqida soʻragan. Ayollar esa kulgan. Xonanda turmush oʻrtogʻining koʻnglini olgani uchun toʻylarga chiqishga ruxsat berganini taʼkidladi.

Video: