Hindiston oʻzining mobil operatsion tizimini ishlab chiqardi. Uning Android bilan nima farqi bor?

Hind diyorining sharqida joylashgan Tamilnad shtati poytaxti Chinnaydagi Hindiston Texnologiya Instituti “BharOS” nomli yangi mobil operatsion tizimini ishlab chiqdi. U Android tizimidan kuchaytirilgan ma’lumotlar himoyasi bilan farq qiladi.

Qayd etilishicha, ushbu operatsion tizimi hozirda maxfiylik va xavfsizlikning qat’iy talablari ooʻrnatilgan hukumat tashkilotlarga taqdim etilmoqda.

BharOS mobil operatsion tizimida oldindan oʻrnatilgan ilovalar mavjud emas. Foydalanuvchilar oʻzlari ishonadigan ilovalarni oʻrnatishlari mumkin. Ularga ma’lum funksiyalar yoki ma’lumotlardan foydalanish huquqi beriladi.

Shu bilan birga, BharOS individual korxonalarga “Private App Store Services” kompaniyasi tomonidan ishlab chiqilgan ilovalardan foydalanish imkoniyatini beradi.