“Bosch” kompaniyasi Buxoroda birinchi rasmiy savdo do‘konini ochdi

Buxoro shahrida Germaniyaning “Bosch” kompaniyasi birinchi rasmiy dillerlik savdo do‘koni ochildi.

Ochilish marosimida Buxoro shahar hokimi o‘rinbosari – Investisiyalar va tashqi savdo bo‘limi boshlig‘i M. Rahmatov hamda “Bosch” kompaniyasi vakillari ishtirok etishdi.

Ushbu dillerlik savdo do‘koni tadbirkor Umid Murodjonov tomonidan tashkil etgan bo‘lib, aholiga sifatli maishiy texnika mahsulotlari sotish va xizmat ko‘rsatish maqsad qilingan.

Ma’lumot o‘rnida shuni ta’kidlash lozimki, dillerlik savdo do‘konida “Bosch” kompaniyasida ishlab chiqarilgan maishiy texnika mahsulotlarining barcha turdagi texnikalari sotuvda bo‘lib, hozirda 50 dan ortiq turdagi mahsulotlar mavjud.

Shu o‘rinda ushbu kompaniya haqida qisqacha ma’lumot taqdim qilamiz. 1886-yilda Germaniyaning Shtuttgart shahrida Robert Bosch ismli shaxs «elektr jihozlari va aniq mexanika mahsulotlarini ishlab chiqarish korxonasi» ni tashkil etdi. Aynan o’sha yili bugungi kunda butun dunyoga taniqli kompaniya paydo bo‘ldi. Dastlabki qadamlardan boshlab kompaniya innovatsiya yo‘lida bo‘lib, ijtimoiy mas’uliyat tamoyillarini asos qilib oldi.

Hozirgi kunga kelib dunyo boʻylab “Bosch” kompaniyasida ishlovchi xodimlar soni 402 000 nafardan ortiq bo‘lib, ular ishlovbchi do‘konlardagi sotish hajmi esa 78,7 milliard yevrodan ortiqdir. Shuningdek 60 ta mamlakatda 440 ga yaqin vakolatxonalar va mintaqaviy kompaniyalar faoliyati yo‘lga qo‘yilgan.