Davron Kabulov Luiza Rasulova haqida: “Boshqa toifa” deb hisoblaydigan baʼzi odamlarning qancha yaxshi fazilatlari borligini koʻrdim

«Luiza Rasulova desa faqat * haqida gapirishga odatlanib qolganmiz. Tasavvurimiz keyeeng narsalarni qidiraverib torayib ketganini qarang))

Shu videoni koʻrib oʻzimiz inkor etadigan, yoqtirmaydigan, “boshqa toifa” deb hisoblaydigan baʼzi odamlarning qancha yaxshi fazilatlari borligi, shunchaki biz koʻrmaganga olishimiz haqida oʻylanib qoldim… Afsuski, biz fikr yo amalning oʻziga emas, balki kim tomonidan aytilgani yoki qilinganiga qarab qarsak chaladigan, “notoʻgʻri” shaxs boʻlsa, qoralaydigan (kuladigan) jamiyatga aylanib qolyabmiz…

…Qancha daydi it, yana qancha qarovchisiz mushuk sangʻiydi, mahallangizda? Arzimagan yemish bizni yana odamgarchilikka qaytadan yaqinlashtirishi mumkinligini oʻylab koʻrganmisiz?

“Odamlar och qolib ketyabdi-ku, it-mushukka balo bormi?” qabilida oʻylash qabihlik, savodsizlik, xudbinlik va yovuzlikning oʻzginasidir. Och odam mehnat qilishi, hech boʻlmasa, dardini aytish imkoniyatiga ega — aksariyat “odam” lardan sadoqatliroq jonivor doʻstlarimiz esa bu imkondan mahrum…», – deb yozgan Davron Kabulov.