iPhone 15 Pro va 15 Pro Max modellarida tugmalar bo‘lmaydi (–mi?)

2022-yilning sentabr oyida iPhone 15 Pro va 15 Pro Max modellarida hech qanday tashqi tugma bo‘lmasligi haqida xabarlar tarqalgan edi.

Kuni kecha ushbu yangilikni tarqtgan insayder Ming-Chi Kuo ushbu masala haqida yana bir bor gapirdi. U Apple ning ta’minot zanjiridagi hamkorlari orasida so‘rov o‘tkazgan. Natijalarga ko‘ra, 2023-yilning II yarmida sotuvga chiqadigan iPhone 15 Pro va Pro Max modellari tashqi (jismoniy) tugmalarga ega bo‘lmaydi.

Buning o‘rniga qurilmalarga sensorli tugmalar o‘rnatiladi. Taptik detallar esa sensorli tugmalar bosilganda, o‘zidan tebranish (“vibratsiya”) beradi.

“Cirrus Logic” kompaniyasi Apple ning ushbu qaroridan katta foyda olishi mumkin. Chunki, ushbu kompaniya asosan jismoniy bo‘lmagan tugmalar uchun taptik dvigatellar yetkazib beradi.

Kuoning qo‘shimcha qilishicha, agar bunday tugmalar foydalanuvchilar tomonidan ijobiy qabul qilinsa, boshqa kompaniyalar ham tezda ushbu yechimga o‘tishni boshlaydilar.