Endi Buxorodan Toshkentga boradigan avtobus chiptasini mobil telefoningiz orqali olishingiz mumkin

Transport vazirligining xabar berishicha, O‘zbekistonda bugun, 31-yanvar kuni rasman “UzBus” mobil ilovasi ishga tushirildi. Ushbu dastur orqali foydalanuvchilar “Toshkent” avtovokzalidan amalga oshirilayotgan shaharlararo avtobus qatnovlariga chiptalarni elektron tarzda xarid qilishlari mumkin.

Yo‘lovchilar mobil ilova yordamida avtovokzaldan amalga oshirilayotgan barcha yo‘nalishlardagi qatnovlar jadvali bilan real vaqt rejimida tanishish imkoniyatiga ega.

“UzBus” mobil ilovasi orqali “Buxoro – Toshkent – Buxoro” yo‘nalishidagi avtobus qatnovlariga ham chiptalarni elektron shaklda sotib olish mumkin.

Bosqichma-bosqich barcha viloyatlardan Toshkent shahriga bajariluvchi qatnovlarga chiptalarni ushbu mobil ilova yordamida elektron xarid qilish imkoniyati yaratiladi.

Mobil dasturni quyidagi havola orqali yuklab olishingiz mumkin:
Android: https://play.google.com/store/apps/details?id=uz.avtoticket.uzbus.
iOS: mavjud emas.