Amerika razvedkasi rahbari Ukraina va Rossiyaga sulh tuzishni taklif qilish uchun taraflar bilan uchrashgani rostmi?

2023-yilning yanvar oyi o‘rtalarida AQSh razvedkasi rahbari Uilyam Berns Kiyev (Ukraina) va Moskva (Rossiya) ga borgan. U Jo Bayden topshirig‘iga ko‘ra, tomonlarning muzokaralarga tayyorligini baholashi kerak bo‘lgan.

Shveytsariyaning “Neue Zürcher Zeitung” nashrining nemis amaldorlariga tayanib, xabar berishicha, U. Berns Ukraina hududlari evaziga tinchlik variantini taklif qilgan. Xususan, Rossiyaga Ukrainaning 20% hududi hisobiga urushni tugallashi kerak bo‘lgan. Ammo bu taklifga har ikkala tomon ham rozi bo‘lmagan.

Shuningek, manbalar Vashingtonda urushni tugallash bo‘yicha bahs ketayotganini ta’kidlashgan. Markaziy Razvedka Boshqarmasi boshlig‘i Uilyam Berns va AQSh prezidentining milliy xavfsizlik masalalari bo‘yicha maslahatchisi Jeyk Sallivan nizoni tezroq tugatish va Xitoy masalasiga e’tibor berishga chaqirmoqda. Davlat departamenti boshlig‘i Entoni Blinken va mudofaa vaziri Lloyd Ostin esa Kiyevni yanada ko‘proq qo‘llab-quvvatlash tarafdori.

U. Bernsning Moskvaga tashrifi haqida bundan avval hech qanday ma’lumot berilmagan, rasmiy manbalar ham jim.