Ota-onam meni bir kishiga turmushga berishmoqchi, lekin u odamda umuman ko‘nglim yo‘q…

Savol: Ota-onam meni bir odamga turmushga berishmoqchi, lekin u odamda umuman ko‘nglim yo‘q… U menga “Sizni majburlamayman, ko‘nglingiz bo‘lmasa, aytavering”, – deydi. Ammo ota-onam “Baribir seni shu odamga uzatamiz”, – deyishgani uchun indamayman. Qanday yo‘l tutay? Bir odam menga istihora namozi o‘qishimni maslahat berdi. Shu namozdan keyin ma’lum bir kishi bilan taqdirimni bog‘lagin, deb duo qilsam bo‘ladimi? O‘zi, umuman, kim bilan turmush qurishim taqdirimda aniq yozilganmi?

Javob: Shariatda ham, urfimizda ham oila qurishda ota-onaning maslahati bilan nikoh aqdini qiladi. Allohdan xayr-barakani so‘ragan holda, ota-onaning maslahati bilan oila quring!

Taqdir – Alloh taoloning ilmi, albatta, sizning kim bilan oila qurishingiz Alloh taolo uchun ma’lum va u narsa yozib qo‘yilgan. Duo – ibodat, duoda dunyo va oxirat maqsadlari so‘raladi. Oila quruvchi er-ayol ham nikohning fayzli, barakali bo‘lishini so‘rashi lozim.

Manba: Oʻzbekiston musulmonlari idorasi Fatvo hay’ati.