Qirmizi olma. Apple smartfonlari rangi oshkor bo‘ldi

Har yili Apple o‘zining iPhone smartfonlari Pro modellarini maxsus rangdagi variantlarda chiqaradi. Masalan, iPhone 12 Pro “Pacific Blue”, iPhone 13 Pro “Sierra Blue”, hozirgi iPhone 14 Pro esa “Space Black” hamda, “Deep Purple” maxsus ranglarida taqdim qilingan.

“9To5Mac” nashri o‘z manbasiga asoslanib xabar berishicha, bu yilgi iPhone Pro maxsus to‘q qizil (Dark Red) rangda taqdim qilinadi. Dizayner Ian Zelbo esa ushbu rangdagi iPhone 15 Pro fotosini ulashdi.

Shuningdek, ma’lum bo‘lishicha boshlang‘ich modellar – iPhone 15 va iPhone 15 Plus uchun ham ikki xil yangi ranglar sinovdan o‘tkazilmoqda. Bular #CE3B6C kod raqamli pushti va #0DB1E2 kod raqamli och ko‘k ranlari bo‘lib, smartfonlar bu ranglarda quyigacha ko‘rinadi:

Ta’kidlash joizki, bu ma’lumotlar hali biroz erta va ular taqdimotga yaqin o‘zgarishi mumkin. Lekin bunday xabarlar odatda katta ehtimol bilan to‘g‘ri bo‘lib chiqadi.

Masalan, bir necha yil avval iPhone X smartfoni oltin rangda chiqarilishi haqida mish-mishlar tarqalgan, ammo bu sodir bo‘lmagan. Biroq, smartfon rasman taqdim qilinganidan bir necha oy o‘tib, Apple bu rang variantidan voz kechganligi ochiqlangan.