Romitanda hokimlik tashabbusi bilan 500 kishilik iftorlik dasturxoni yozildi

Musulmon olami uchun eng muqaddas oylardan sanalgan Ramazon oyining har bir kunlari ob-havo mo‘tadilligi, yurtimizda tinchlik-xotirjamlik hukmron pallada o‘tayotgani xalqimizni quvontirmoqda.

“Insonga e’tibor va sifatli ta’lim yili”da insonlar ko‘nglini ko‘tarish, vatanga muhabbat va oila sadoqatini ta’minlash maqsadida bir qator ma’naviy-ma’rifiy, ijtimoiy-madaniy tadbirlar o‘tkazilib, unda ishtirok etayotganlarga yurtimizda bo‘lib o‘tayotgan voqealardan xabardor qilinmoqda.

Ana shunday tadbirlar mahalliy hokimiyat, “Mahalla” xayriya jamoat fondi, Mahalla va nuroniylarni qo‘llab-quvvatlash bo‘limi bilan hamkorlikda viloyatimizning har bir mahallasida iftorlik asnosida tashkil etilmoqda. Bunda albatta, mahallaning oqsoqollar, faollari, ehtiyojmand oila vakillari qatnashmoqda.

Jumladan, kecha 30-mart kuni Romitan tumani hokimi Umedjon Barnoyev tashabbusi bilan “Azizon”, “O‘zbekiston” hamda “Samosiy” mahalla fuqarolar yig‘inlarining barcha qishloqlaridan 500 nafarga yaqin vakillar iftorlik dasturxoniga taklif qilindi.

Tumanning barcha mahalla, ko‘cha va qishloqlarida sektor rahbarlari, diniy idoralar vakillari hamda oqsoqollar ishtirokidagi serfayz iftorliklar davom etmoqda, – deya xabar qilmoqda Romitan tuman hokimligi matbuot xizmati.