“Buxoro — Toshkent” yo‘nalishida yana 550 ta yo‘lovchi uchun avtobus qo‘yilmoqda

Yo‘lovchilarga ko‘rsatilayotgan xizmatlar sifatini yaxshilash va viloyatimizning turizm salohiyatini yanada oshirish maqsadida “All Comfort” MChJ tomonidan Xitoy Xalq Respublikasida ishlab chiqarilgan “YUTONG” rusumli 10 ta yangi avtobuslar olib kelindi.

Mazkur avtobuslardan samarali foydalanishni tashkil etish maqsadida 701-sonli “Buxoro — Toshkent — Buxoro” yo‘nalishida xizmat ko‘rsatish uchun biriktirilishi rejalashtirilgan.

Ma’lumot uchun, ushbu qo‘shimcha avtobuslarning makur yo‘nalishda xizmat ko‘rsatishi esa kuniga qo‘shimcha 550 ta yo‘lovchini tashish imkonini yaratmoqda.