Surxondaryolik ayol o‘qituvchilar erkak hamkasbi tomonidan ayovsiz kaltaklandi – video (18+)

Bugun, 18-aprel kuni Facebook va Telegram guruhlarda Surxondaryo viloyatining Uzun tumanidagi maktabda o‘qituvchilar kaltaklangani aks etgan videolavha tarqaldi.

Diqqat! Tabni xira qiluvchi lavhalar bor. Homilador va o‘ta hissiyotli odamlarning ko‘rishi tavsiya etilmadi!

Shuningdek, Maktabgacha va maktab ta’limi vazirligi matbuot kotibi Dilfuza Sobirovaning ma’lum qilishicha, vazirlikning Surxondaryo viloyati boshqarmasi boshlig‘i X. Mamadiyev holat yuzasidan Uzun tumanida bo‘lib turibdi.

Holat ishchi guruh tomonidan o‘rganilmoqda.

Bosh prokuratura matbuot kotibi Hayot Shamsutdinovning qayd etishicha, ayni damda maktab o‘qituvchilari ommaviy do‘pposlanganligi bilan bog‘liq videoyozuvdagi holat o‘rganildi.

Aniqlanishicha, haqiqatdan ham 2023-yilning 14-aprel kuni soat 12:00 larda Uzun tumanidagi 31-sonli o‘rta ta’lim maktabining direktor xonasida o‘tkazilayotgan yig‘ilishda 34 yoshli erkak (o‘qituvchi) ikki nafar ayol o‘qituvchilar bilan janjallashib, ularga tan jarohati yetkazgan.

Mazkur holat yuzasidan 18-aprel kuni Jinoyat kodeksining 277-moddasi (Bezorilik) bilan jinoyat ishi qo‘zg‘atilgan. Gumonlanuvchi shaxs protsessual tartibda ushlangan. Tergov harakatlari davom etmoqda.