“Super kelinchak” Diana Yagafarova kinoga qaytdi

“Super kelinchak” filmidagi yorqin roli evaziga keng omma eʼtiborini qozongan o‘zbek aktrisasi Diana Yagofarova uzoq vaqtdan beri ilk bor intervyu berdi. U oʻtgan yilning bahor oyidan buyon yana filmlarga tushishni boshlagan edi. Ayni damda esa “Novvoy uchun kurash” kriminal dramasini suratga olishda ishtirok etayotgani haqida gapirdi.

Filmda Dianadan tashqari Durdona Qurbonova, Javohir Zokirov, Ra’no Shodieva va Ilyar Abdullaevlar ham ishtirok etishadi. Premyera shu yilning kuzida boʻlib oʻtadi.

Aktrisa kuni kecha boshqa bir oʻzbek filmi premyerasida mehmon boʻlib, u yerda qisqa intervyu berdi. Uning taʼkidlashicha, u suratga olishni juda sogʻingan boʻlib, tugʻruq taʼtilida boʻlganligi sababli, koʻrinmagan ekan.

Hozirda ham aktrisa oila va bolalarni tarbiyalash bilan ham shugʻullanmoqda.