Buxoro yangiliklari

355 mln so‘mlik kontrabanda tovarlari Buxoroda to‘xtatib qolindi

photo
Foto: Buxoroisharif.uz

Loading

Buxoro viloyati bojxona boshqarmasining Kontrabandaga qarshi kurashish bo‘limi tezkor vakillari tomonidan bartaraf etilgan jami 2 ta holat natijasida qiymati 355 mln so‘mdan ortiqroq bo‘lgan tovarlarni tegishli bojxona qonunchilik talablarini buzgan holda Respublikamiz hududidan olib chiqilishining oldi olindi.

Bu haqda tashkilot matbuot xizmati rahbari Durdona Qayumova Buxoroisharif.uz ga xabar qildi.

Unga ko‘ra “Olot” chegara bojxona posti orqali xorijiy davlatga eksportga yo‘naltirilgan tovarlarga nisbatan bojxona qonunchiligi buzilish alomatlari mavjudligi haqida oldindan olingan ma’lumotlarga tayangan holda xolislar ishtirokida bojxona ko‘rigi tayinlanib, tovarning TIF TN kodlari, yuk kuzatuv hujjatlari hamda eksport qilinayotgan mahsulotlar o‘rtasidagi tafovutni aniqlash maqsadida Bojxona qo‘mitasining Markaziy bojxona laboratoriyasi tahlillari asosida ekspertizadan o‘tkazildi.

photo 03

Olib borilgan o‘rganishlar natijasida esa, “Uglekisliy kaliy” o‘rniga “Kaliy xlorid” tovarlari joylashtirilganligi o‘z tasdig‘ini topdi.

Aytib o‘tish joizki, eksportyorlar eksport doirasi cheklangan “Kaliy xlorid” ni “Uglekisliy kaliy” deb yozilgan qoplarga joylashtirish orqali qonunchilik talablarini chetlab, bojxona xodimlarini chalg‘itishni maqsad qilishgan edi.

photo 02

Zero, O‘zbekiston Respublikasi Prezidentining “Kimyo sanoati tashkilotlarining eksport-import faoliyatini takomillashtirish chora-tadbirlari to‘g‘risida” gi qaroriga asosan, 2017-yilning 1-oktabridan boshlab “O‘zkimyosanoat” AJ tashkilotlarining kimyoviy mahsulotlari eksporti “O‘zkimyoimpeks” MChJ orqali amalga oshirilishi belgilab o‘tilgan.

Muhokama qilish (0 ta sharh)

Javob berish


  • Telegram
    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 23-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.