Buxoro (va Kogon) shahrida suv ta’minoti vaqtinchalik to‘xtatildi

Xabaringiz bor, Buxoro shahrining yirik suv tarmoqlarida yuzaga keladigan nosozliklar tufayli butun shahar va atrofidagi hududlar bo‘ylab suv ta’minoti to‘xtatilishiga sabab bo‘lmoqda.

Mazkur muammoni hal qilish maqsadida, shahardagi mavjud 1960-yillarda o‘rnatilgan suv bog‘lagichlarni (zulfin) yangilariga almashtirish ishlari belgilangan bo‘lib, ishlar natijasida, kelgusida yirik suv tarmoqlarida yuzaga keladigan nosozliklarni (avariya holatlarini) aynan hududlar kesimida, ya’ni, butun shahar va atrofidagi hududlarda suv ta’minotini to‘xtatmasdan ta’mirlash ishlarini amalga oshirish imkoniyati paydo bo‘ladi.

Shu bois, Buxoro shahrining bir qator manzillarida suv quvurlaridagi zulfinlarni (zadvijka) yangisiga almashtirish ishlari amalga oshiriladi:

🔴 Islom Karimov va Piridastgir ko‘chalari kesishmasi — ∅600 mm;
🔴 Alpomish va Navoiy shoh ko‘chalari kesishmasi — ∅300 mm;
🔴 Gazli shoh ko‘chasi, “Safkarda” aholi punkti — ∅300 mm;
🔴 Gazli shoh ko‘chasi, “Oqmasjid” aholi punkti — ∅300 mm;
🔴 Ibn Sino ko‘chasi, “Oqmasjid” aholi punkti — ∅300 mm;
🔴 Gazli shoh ko‘chasi, “Geofizika” aholi punkti — ∅300 mm;
🔴 Gazli shoh ko‘chasi, “Ko‘ksaroy” aholi punkti — ∅300 mm.

Ta’mirlash ishlari munosabati bilan 3-oktabr kuni soat 23:00 dan 4-oktabr kuni soat 23:00 ga qadar (umumiy ~24 soat) Buxoro va Kogon shaharlari hamda atrofidagi hududlarda vaqtinchalik suv ta’minoti to‘xtatildi.

“Buxoro suv ta’minot” MChJ aholidan o‘z ehtiyojlari uchun suv zahirasini yaratishlarini so‘rab qolmoqda. Shuningdek, suvga bo‘lgan yuqori ehtiyojini qondirish maqsadida 8 ta maxsus suv tashuvchi transport orqali ichimlik suvini yetkazish yo‘lga qo‘yildi.

Murojaat uchun telefonlar: (+998) 65-221-17-27, (+998) 65-228-04-62, (+998) 90-512-93-28, (+998) 99-502-80-00, (+998) 91-312-23-08, (+998) 93-658-45-40, (+998) 90-718-13-00, (+998) 99-703-86-06.