Hindiston televideniyasida Buxoro haqida ko‘rsatuv namoyish etiladi

Joriy yilning 3- va 4-oktabr kunlari mamlakatimiz bo‘ylab xizmat safarida bo‘lgan Hindiston davlatining Bollylands.com teleshousi vakillari Buxoroda ham tasvirga olish ishlarini amalga oshirdi.

Ijodiy guruh vakillari shaharning sayyohlik salohiyati to‘g‘risidagi ko‘rsatuv va targ‘ibot materiallarini tayyorlash maqsadida “Ark” qo‘rg‘oni, “Labi Hovuz” ansambli, “Poyi Kalon” majmuasi, Ismoil Somoniy maqbarasi hamda Chashmai Ayub kabi qator madaniy meros obyektlarida, shuningdek, hunarmandchilik markazlarida ham bo‘lib, Buxoroning qadimiyligi, ayniqsa, qadimiy arxitektura namoyishlari jozibasini ko‘rib hayratlanishdi.

E’tirof etish joizki, Buxoroning turizm salohiyati to‘g‘risidagi materiallar Hindiston televideniyasi va boshqa ommaviy axborot vositalarida, qolaversa, butun dunyo bo‘ylab targ‘ib qilinadi.